Fritz Deelman en die Suidpoolbende

Wanner luitenant Fritz Deelman verplaas word na die vreemde, duistere binnekring van die sewentigste breedtegraad, volg die een insident op die ander. Die een dag het niemand nog daarvan gehoor nie, en ’n maand later is duisende mense verslaaf an die dodelike dwelmmiddel – Satania. Dae lank is Fritz en Loeki op die spoor van onwettige jagters van spermwalvisse – die enigste bron van ambergrys, noodsaaklik vir die vervaardiging van Satania. In die fabelagtige, wit wêreld van Antarktika kom Fritz en Loeki teen n oormag te staan. Wie is die leier van die bende wat vanuit ’n basis onder die sneeu en ys van die Palmer-skiereiland sy bose werk verrig?