Fritz Deelman en die Gori Lama

Luitenant Fritz Deelman ontvang ’n brief van Loeki de Klerk, wat op besoek in die Ooste is. In die boodskap vind Fritz leidrade wat hom oortuig dat Loeki hulp nodig het en dat ’n vooraanstaande Suid-Afrikaanse geleerde in gevaar verkeer. Sy vermoede word versterk deur 'n geheimsinnige ontploffing – ’n aanslag op sy lewe – en hy vertrek na die Ooste om die raaisels te probeer oplos. Uit die Republiek Sikkim, noord van Indië, lei die spoor na die magtige Himalajas, en dan na die geheimsinnige bergland Tibet, sedert 1959 onder Kommunistiese bewind. Hier ontvou eeue oue geheime wat selfs die ervare Fritz Deelman verstom laat.